袁偉豪20年無變過樣 根本就係「凍齡的時光」
by | 18 Apr 2018

日前TVB劇集《棟仁的時光》播出後,都吸引不少觀眾收睇,當中男主角袁偉豪(Ben) 當然是重點之一,有好多觀眾都大讚Ben近年演技進步好大。《棟仁的時光》講述袁偉豪要借接吻偷取別人嘅時間,來延續自己嘅生命。昨日TVB facebook就上載了佢讀F.4受訪嘅片段,數數手指都差唔多成20年前嘅事,但Ben個樣變化真係唔大,而家感覺就係多咗一份男人味!





可能一眾Sis都以為袁偉豪係2007年參加香港先生出道,但其實佢早於97年參加「校花校草選舉」成為校草後,開始踏入娛樂圈。其中17歲那一年,更與謝霆鋒、李燦森合作拍攝《新古惑仔之少年激鬥篇》,Ben飾演「巢皮」一角!之後陸陸續續都出演電影閒角,經典電影《無間道》都有演出過,直到選完香港先生後加入TVB,才為人熟悉。





直到前年參演無綫電視劇集《城寨英雄》,飾演主角為人正義嘅「牙佬」,角色讓袁偉豪大獲好評兼人氣急升,可以話係佢嘅代表作,亦成為了新一代TVB小生。
之後都擔正多部劇集,例如去年台慶劇《使徒行者2》以及花費1億港元製作並於年尾將會播出的《再創世紀》。







睇嚟之後會有更多機會睇到Ben嘅作品,btw最重要係佢fit到爆嘅身型都係一班觀眾經常留意嘅事~工作忙碌嘅佢周不時都會keep住做gym同跑步~










Source: TVB/Instagram

Text:Alina Wan

RELATED ARTICLES